Useme munzigchline Huus

luegt de Samichlaus zum Fänster us

Er treit e Brülle rund und chlii

die hät er überall debii

Das er im Buech guet läsä cha

er isch äbä scho chli än ältere Maa

Er leit jetzt sini Stiefel a

das er losmarschiere cha

Uf em Rugge hät er de Sack

de treit er hüt grad huckepack

I de Hand hebt er dLaterne

und e schöns Liecht häter au vode Sterne

Er liest ganz lislig vor jedem Huus

e chlises Säckli usem grosse us.

Wenn de Sack leer isch goht er wieder hei

er hät au scho chli müedi Bei.

De Samichlaus rueht sich jetzt us

und macht e Schlööfli i sim chline Huus.